Aguirre Txipiroi-bokata bere tintan tximitxurri saltsarekin.

Rosario / Argentina

Itziar Aguirreren aita Berrizkoa zen. Bere ama, Azkoitikoa. Aitaren aldetik, Berriz eta Bolivarreko aitona-amonak. Amaren aldetik, Azkoitia eta Astigarretakoak. Itziarren amak sukaldaritza ikasi zuen, eta Euskadira etorri zen euskal errezeta tradizionalak ikastera. Rosarioko Euskal Etxearen jatetxea zuzendu zuen 1995etik 2020ra, baita Buenos Airesko Laurak Bat Euskal Etxearena ere 1999tik 2004ra.

Itziar eta bere anai-arrebak Rosarioko Euskal Etxean jolasean hazi ziren. Eta lagunek esaten zuten beraien zakurrek zaunka euskaraz egiten zutela. Itziar 16 urterekin hasi zen familiaren jatetxean lanean. Sukaldaritza eta Nutrizioa ikasi zituen, praktikak egin zituen Arzaken, Azurmendin, eta euskal sukaldaritzari eta nutrizioari buruzko tesia egin zuen. Gaur egun, Rosarion dagoen Trainera Cocina Vasca pintxo-tabernaren jabea da.

Bere amaren txipiroiek, honek ere bere amarengandik ikasi zuen errezeta, eta aita limurtzeko balio izan zutenak, errezeta hau inspiratu dute.

On egin!

Errezeta ikusi

Aguirre

Agirre oso abizen zaharra da. Leinu zaharrena Gipuzkoan dago. 850. urtean, familia honetako zaldunek Ramiro I.a erregeari lagundu zioten Clavijoko batailan. Etimologikoki ageri euskal ahotsetik datorrela uste da. Horrek pentsarazten digu lursailean nagusi ziren etxeak izendatzeko erabili zen termino arrunta izan zela, bereziki agerian geratzen zirenak izendatzeko. Abizen nahiko ugaria da, eta haren jatorria ezin da leku jakin batean jarri, Euskadiko dozenaka herritan Agirre izeneko familia-leinuen berri baitago.

Toparen errezeta historia honetan inspiratuta

Eskuragai

Aguirre txipiroi-bokata bere tintan tximitxurri saltsarekin

martxoak 31etik maiatzak 31ra

Gozatu ezazu TOPA Sukalderían

S1:E6 2min

Aguirre txipiroi-bokata bere tintan tximitxurri saltsarekin

Sukalderriaren seigarren errezetak Itziar Agirreren familiaren historia du oinarri, eta amaren aldeko amonaren errezeta batetan, Txipiroiak bere tintan. Errezeta horri esker, amak bere aita konkistatu zuen. Beraz, txipiroi horiek gabe, ez zen ondoren etorri zen guzti hori gertatu izango.

Dokumentala

Errezeta

Osagaiak 4 pertsonentzat

Tenpurarentzat;
100 gr ur
160 gr vodka
100 gr irin
100 gr arroz-irin
2,5 gr bikarbonato
4 gr gatz
17,5 gr azukre
45 gr txipiroi tinta
Txipiroiarentzat;
Kg ½ begi haundi garbia
Irina
Oliba olioa
Tipula karamelaturako;
Kg 1 tipula
200 gr ekilore olioa
Kaiena pipermin bat
Tximitxurri gorriarentzat;
8 gr piperrauts gozo
4 gr espelette
20 gr baratxuri
50 gr sagardo-ozpin
200 gr Oliba olioa
120 gr adarreko tomatea
120 gr tipul
Beste;
Errukula
Lima zukua
Lima-birrintzea
Ogia

1.- Tenpura. Bol batean, nahastu osagai guztiak hagaxka batekin, nahasketa homogeneo bat lortu arte.
2.- Txipiroia. Begi haundia garbitu eta zatitu tira finetan, hala nola 1 cm-ko lodieran. Ondu, pasatu irinetik eta tempuratik eta frijitu oliba-oliotan. Lima birrindu txipiroi frijituaren gainean.
3.- Tipula karamelatua. Karamelatu tipula su baxuan, tonu urreztatu batekin geratu arte.
4.- Tximitxurri gorria. Tomateak zuritu. Batu osagai guztiak, olioa izan ezik, eta txikitu tourmixarekin potentzia handienean, ore fin bat geratu arte. Bota olioa hari moduan, emultsionatu dezan.
5.- Amaiera. Jarri ogiaren oinarrian koilarakada bat tipula erregosi. Honen gainean, errukula eskukada bat. Gatz eta lima zuku pixka batekin ondu. Jarri txipiroi frijitu tira batzuk, bi koilarakada tximitxurri eta itxi ogitartekoa.