Andres Burzaco Burzaco abelburu mihi takoak bizkaitar saltsan.

Mexiko Hiria / Mexiko

Andres Burzacoren bi aiton-amon bizkaitarrak ziren: aitona Sestaokoa, eta amona Trapagarangoa. Mexikora iritsi ziren Gerra Zibiletik ihesi. Aitona gudaria zen, eta Mexikora iristen ziren errepublikanoei laguntzeaz arduratu zen. Amonak bizimodua atera zuen arropa ehuntzen eta saltzen. Euskal diaspora Club Vasco eta Mexiko Hiriko Euskal Etxean biltzen zen.

Amonak, ehuntzeaz gain, oso ondo sukaldatzen zuen. Andresek amonaren eskuz idatzitako errezeten koaderno bat gordetzen du. Piper txorizerorik ezean, bere amonak txile zabala eta guajillo txilea erabiltzen zituen bizkaitar saltsa egiteko, hazirik eta zainik gabe. Mamia bakarrik erabiltzen zuen, mina kenduta.

Aitonak beti izan zuen Euskadira itzultzeko gogoa, baina Franco baino lehenago hil zen. Urte asko geroago, Andresek aitona-amonen errautsak ekarri zituen Euskadira.

Eta bizipen horietan guztietan oinarritzen da errezeta hau.
On egin!

Errezeta ikusi

Toparen errezeta historia honetan inspiratuta

Eskuragai

Burzaco abelburu mihi takoak bizkaitar saltsan

irailak 26etik abenduak 31ra

Gozatu ezazu TOPA Sukalderían

S1:E8 1min

Burzaco abelburu mihi takoak bizkaitar saltsan

Dokumentala

Errezeta

Mingainarentzat: Gorritu mihia kazola batean. Gehitu juliana eran txikitutako barazkiak eta erregosi su eztian. Kimatutakoan, gehitu ardo zuria. Irakin lurrundu arte eta gehitu piperbeltz aleak. Estali urarekin eta utzi astiro irakiten mingaina samur egon arte. 2 ordu eta 45 minutu, gutxi gorabehera. Ziztatu egoste-puntua egiaztatzeko. Atera mingaina saldatik eta behin hotzean, gorde kameran. Bestalde, iragazi salda eta gorde saltsa bizkaitarra egiteko.
Eskabetxea egiteko: Erregosi tipula eta azenarioa kazola batean, barazkiak ondo izerditu arte. Gehitu gainerako osagai lehorrak eta erregosi minutu batez. Gehitu ardo zuria eta utzi murrizten alkohol guztia erre arte. Gehitu oliba-olioa eta egin guztia su baxuan 15 minutuz. Erantsi ozpina, eragin, kendu sutatik eta infusionatu 30 minutuz. Gatza arteztu eta gorde.
Eskabetxatutako mingainarentzat: Zuritu mihia eta moztu 2x2ko kuboetan. Errazionatu 150 gramoko zatitan eta sartu mihia huts-poltsetan eskabetxearekin batera. Gutxienez 24 orduz eskabetxatzen utzi.
Bizkaitar saltsarentzat: Berotu olioa baratxuriekin. Gehitu juliana eran moztutako tipula gorria. Erregosi su motelean ordu eta erdiz. Gehitu ardo zuria eta utzi lurruntzen. Gehitu brandya eta flambeatu. Gehitu txorizeroa eta ajia, eta erregosi 10 minutuz. Gehitu salda eta utzi irakiten su motelean ordubete. Thermomixetik eta fin batetik pasa ondoren, gatz puntua bilatu.
Errefau ozpinetakoarentzat: Mandolinarekin, moztu errefau txikia xerra finetan. Nahastu gainerako osagaiak eta murgildu errefaua nahasketan. Ontzi hermetiko batean sartu. Errefaua prest egongo da 5 ordu barru. Hozkailuan kontserbatu. 15 egun iraungo dute, baldin eta errefaua beti likidoan sartuta badago.
Ozpindutako tipula gorria egiteko: Moztu tipula juliana eran. Nahastu gainerako osagaiak eta murgildu tipula nahasketan. Ontzi hermetiko batean sartu. Tipulina 2 ordutan egongo da prest. Hozkailuan kontserbatu. 15 egun iraungo dute, betiere tipula likidoan sartuta badago.
Ozpinetan ondutako salikorniarako: Nahastu ura, ozpina eta gatza eta murgildu salikornia nahasketan. Ontzi hermetiko batean sartu. Salikornia 2 ordutan egongo da prest. Hozkailuan kontserbatu. 15 egun iraungo du, betiere salikornia likidoan sartuta badago.
Akabera eta aurkezpena: Mihia iragazi, gehiegizko eskabetxea kentzeko. Jarri mihia eta bizkaina kazola batean eta berotu su motelean. Zerbitzatu mingaina kazola batean, 6 tortillarekin, ozpinetakoen bol batekin (martorri zurtoinekin) eta beste bol bat 6 lima zatitxoekin.