Echave Costilla de chancho .

Coronel Moldes / Argentina

Marita Echave izan zen 2019an Sukalderria martxan jartzeko harremanetan jarri ginen lehenengo pertsonetako bat. Berak Argentinan Cocina vasca campesina liburua argitaratu zuen, bertako euskaldunek prestatzen zituzten jaki eta plater asko biltzen zituena. Elkarrizketa egin genion, baina bere errezeta interpretatu eta eskaini aurretik, pandemiak proiektua eten zuen.

Sukalderriari berriro ekin genionean, argi genuen berea izan behar zela lehen errezeta. Berarekin berriro harremanetan jartzen saiatu ginenean, 2022an hil zenaren berri izan genuen.

Errezeta hau Marita Echaveri egiten diogun omenaldia da. Argentinan euskal kultura eta gastronomia ezagutarazteko egin zuen lana eskertzeko. Bere seme-alaba diren Ana Luisa, Esteban eta María José, eta Maritaren lehengusina den María Celia Aguirreren laguntza ere eskertu nahi dugu, hauek Maritaren historia kontatu baitziguten. Eta bizitza hori islatzen duten argazkiak ere eman zizkiguten.

Errezeta ikusi

Echave

“Etxa-behe”, hau da, “etxearen beheko aldea”. Jatorria Gipuzkoan duela dirudi, Eskoriatza, Aizarnazabal, Oñati, Zizurkil, Deba edo Zumaian aurki bait daitezke hainbat erreferentzia. Uharte-Arakil udalerrian (Nafarroa), Etxabe izeneko Erdi Aroko herrixka bat zegoen, Brontze Aroan jatorria izan zezakeena. Huarte 1355ean sortu zen, inguruko herrixka txikiak uztera behartuak izan ziren bizilagunekin. Izan ere, 1357an agintariek Etxabeko etxebizitzak eraitsi zituzten, bertako biztanleek Uharten finkatu beste erremediorik izan ez zezaten. Gaur egun, herrixka zaharraren hondakinak ikus daitezke, baita Aranzadi-Etxabe izeneko trikuharria ere, 1913an Telesforo de Aranzadik eta Florencio Ansoleagak induskatu zutena.

Toparen errezeta historia honetan inspiratuta

Eskuragai

Costilla de chancho Echave

abenduak 1etik urtarrilak 31ra

Gozatu ezazu TOPA Sukalderían

S1:E4 2min

Costilla de chancho Echave

Sukalderria bueltan da, eta omenaldia eginez 2022an hil zen Marita Echaveri. Marita euskal gastronomiaren dibulgatzaile handia izan zen Argentinan. Topako taldeak bere “Cocina vasca campesina” izeneko liburuan agertzen den errezeta bat berrinterpretatu du. Bere seme-alaben errezeta gogokoenetako bat.

Dokumentala